10 أخطاء في المشي بعد الستين لا يخبرك بها أحد

الحلقة الخامسة : ما أسباب وأعراض ومعالجة هبوط السكر في الدم ؟

لماذا يعاني مرضى السكري من كثرة التبول polyuria ؟

لماذا يعاني مرضى السكري من كثرة التبول؟

غزارة التبول أو ما يسمى polyuria  هي عبارة عن زيادة كمية البول المطروحة من الجسم يوميا والتي تتعدى 3 لترات في حين أن الكمية الطبيعية التي يطرحها يوميا هي من لتر واحد الى لترين فقط. أما السبب في غزارة البول هذه فسوف أشرحها لكم فأرجو الانتباه.

            غزارة البول شائعة جدا في الحالات الغير مسيطر عليها من السكري, ولكلا النوعين الأول والثاني. في الحالات الطبيعية فان كميات من السكر المسمى (غلوكوز) تطرح في البول، لكن هذه الكمية يعاد امتصاصها الى مجرى الدم عن طريق انيبيبات الكليتين. هذا في الحالات الطبيعية أي أن نسبة السكر طبيعية في الدم. أما عند مرضى السكري، فان نسب السكر في الدم فهي عالية بالتأكيد وقد تكون عالية جدا وهذا يؤدي الى طرح كميات أكبر من السكر في البول. في الحقيقة فان هذا الطرح هو عملية مفيدة وتشكر عليها الكليتان لأنها تساعد على التخلص من السكر الزائد لكنها غير كافية طبعا. وبالأرقام فان زيادة السكر عن 180 ملغ/دسيليتر أو 10 ملي مول تؤدي الى طرح أو الى ظهور السكر في البول لأنه يفوق ما يسمى (( تردد العتبة Renal Threshold )) الخاص بالكليتين. السكر الزائد عن هذا الحد سوف يطرح في البول. انتبه جيدا لهذه المرحلة. هناك قابلية عند السكر وكذلك الملح أو الصوديوم واليوريا ومواد أخرى على جذب الماء معها حينما تطرح في البول. هذه الخاصية تسمى بالـ (( الأوزموزية  Osmosis ))يعني يتبعها الماء أينما تذهب.. معنى ذلك أن السكر اذا طرح بكميات كبيرة في البول بسبب زيادة نسبته في الدم ومتعديا قابلية الكليتين على اعادة امتصاصة، فان كميات كبيرة من الماء أيضا سوف تطرح معه. هل وضحت الصورة الآن؟

            اذن سوف تزداد كمية البول المطروحة بالنتيجة. ولكن ماهي الآثار التي تتركها هذه العملية؟

            كلما زادت كمية الماء المطروحة في البول ، معنى ذلك أن الماء سوف يترك خلايا الجسم المختلفة، أي جفاف كل أنواع الأنسجة في الجسم، وعلى الخصوص خلايا الدماغ، وهذا يؤدي الى تشوش الوعي وربما الموت، وخاصة في حالات ارتفاع نسبة السكر بشكل كبير ، كأن يتجاوز 600 ملغ أو أكثر.

ماذا ينتج عن غزارة البول هذه من أعراض؟

            كلما زادت كميات البول المطروحة، كلما أحس الجسم بالعطاش، وهذا جلي عند مرضى السكري، وهذا الأمر يدعوهم الى شرب كميات كبيرة من الماء، في حالة تسمى بـ (( POLYDIPSIA)) والى الاحساس بالجوع والتهام كميات كبيرة من الطعام في حالة تسمى بـ (( POLYPHAGIA )) وهي محاولة من الجسم تعويض النقص الحاصل بكمية الماء في خلايا الجسم المختلفة.

تابعوا الفيديو على قناتي على اليوتيوب انقر هنا : 

ما المستوى الطبيعي للسكر في الدم عند الأصحاء والمرضى وتفسير نتائج التحليل

السلام عليكم زوار مدونتي الكرام 

اليكم محاضرة سريعة عن (المستوى الطبيعي للسكر في الدم عند الأصحاء والمرضى بداء السكري وكيفية تحليل نتائج التحليل)

محاضرة مهمة ويحتاج لها كل من طلاب الطب والأطباء وكل المتابعين 

وهي مقدمة بصوتي ومونتاجي 

أرجو أن تروق لكم 

قصة طبية قصيرة (أعراض هبوط الغدة الدرقية)

دخلت سعاد ولديها احساس بأنها ليست على ما يرام.

سعاد: السلام عليكم دكتور

الدكتور : وعليكم السلام ، تفضلي بالجلوس سعاد ، خير ان شاء الله.

سعاد : والله دكتور أحس نفسي مريضة.

الدكتور : شنو الأعراض اللي تحسين بيهه؟

سعاد : والله دكتور أحس قلبي يدك بطيء وما عندي نشاط ما أكدر اشتغل بالبيت مثل قبل وبسرعة أتعب.

الدكتور : شكد عمرج سعاد ؟

سعاد : 40 سنة

الدكتور : زين بعد شنو الأعراض الباقية؟

سعاد : كان الجلد مالتي  والشعر ناعم هسة أحسه خشن ومثل اليابس ، وبرودة بأصابعي مو طبيعية

الدكتور : زين تحبين البرد لو الحر يعني تحبين تتغطين دائما لو بديتي متحبين البطانية . ومن تسبحين تتحملين المي البارد لو لا؟

سعاد : لا ما أتحمل البرد لا الجو ولا المي البارد . وهاي الأيام أحس عيوني منفخات .

الدكتور : زين هم حسيتي وزنج زاد ؟

سعاد : نعم دكتور أحس وزني زاد. بس صار خربطة بمواعيد الدورة الشهرية همينة وامساك وبطني قبض على طول وحتى صار عندي خدر بأصابيع ايدي. والا أكلك أحس نفسي غبية حتى ما أعرف أركز وأفتهم .

الدكتور : أوكي صارت الفكرة واضحة . أريد منج صورة قبل متصير هاي الأعراض ممكن؟

سعاد : نعم دكتور... عندي .

الدكتور : هاي الأعراض سببها على الغالب هبوط بافرازات الغدة الدرقية ولازم أدزج تسوين بعض التحاليل الهورمونية واللي هي (T4 , T3 , TSH) واللي اتوقع يطلع بيهن انخفاض بالـ T4  و T3  لكن ارتفاع بالـ TSH  .

سعاد : زين اذا طلعن ناقصات أكو علاج لحالتي؟

الدكتور : علاجك بسيط وهو حبة وحدة يوميا من هورمون الثايروكسين (thyroxine) 0.10 – 0.20 ملغم وهو علاج كافي لعلاج حالتك عزيزتي . والحديث طويل ذو شجون خلينة نكتفي بهذا القدر.

Adult hypothyroidism
The term myxoedema should be reserved for severe thyroid failure and not applied to the much more common mild thyroid deficiency. The signs of thyroid deficiency are:
• bradycardia
• cold extremities
• dry skin and hair
• periorbital puffiness
• hoarse voice
• bradykinesis, slow movements
• delayed relaxation phase of ankle jerks.
The symptoms are:• tiredness
• mental lethargy
• cold intolerance
• weight gain
• constipation
• menstrual disturbance
• carpal tunnel syndrome.
Comparison of the facial appearance with a previous photograph may be helpful. Delayed relaxation of the ankle jerk reflex is the most useful clinical sign in making the diagnosis.
Thyroid function tests
These show low T4 and T3 levels with a high TSH (except in the rare event of pituitary failure) (Table 51.1). High serum levels of TPO antibodies are characteristic of autoimmune disease.

Treatment
Oral thyroxine (0.10–0.20 mg) as a single daily dose is curative. Caution is required in the elderly or those with cardiac disease and the replacement dose is then commenced at 0.05 mg daily and increased cautiously. If a rapid response is required, triiodothyronine (20 µg three times a day) may be used.

تحميل وقراءة حوارية الحمى القرمزية (SCARLET FEVER ) بصيغة PDF

السلام عليكم أعزائي زوار مدونتي (حواريات الطب) الكرام

اليكم حوارية جديدة تتحدث عن مرض الحمى القرمزية (scarlet fever ) 

مقدمة بلغة سهلة جدا باللهجة العراقية المبسطة لان الغاية منها توصيل المعلومة 

لأعزائنا الاطباء وطلاب الطب 

حوارية أخذت مني الوقت الكثير حتى ظهرت بأبهى وأجمل تنسيق 

يكفي أن تقرأها وتحفظ ما فيها فالمعلومات التي تضمنتها هي معلومات محدثة ومن مواقع عالمية مثل ال (medscape ) و(NHS ) مضافا لها خبرتي العملية وتتضمن صور توضيحية رائعة بكامرتي الخاصة والقسم الأكبر من الانترنت بالطبع لتوصيل المعلومة بسرعة 

أرجو لكم حسن الفائدة أعزائي الغالين 

وهذا اقتباس من الحوارية 

سلام

 عليكم ، شلونكم عساكم بخير، اليوم أحد الاخوان طلب حوارية نشرح بيهه الحمى القرمزية، السكارلت فيفر (Scarlet fever)، وأكيد آني بالخدمة وأعتز بطلباتكم عسى أن تنتفعوا بيهه . منطول عليكم وخلينه نبتدي على بركة الله. هذا الموضوع حلو وبيه شغلات مهمة قد تكون خافية عن بعض اخواننا الاطباء أو الصيادلة أرجو الانتباه جيدا واي شي تحتاجوه آني حاضر.

س1/ بلله شنو هاي السكارلت فيفر اشو اسمهه حلو بس غريب ؟

ج1/ السكارلت فيفر هي عبارة عن سندروم (Syndrome)، وليش سندروم؟ لأن بي أكثر من شغلة وحدة وهسه نعرف شنو هاي الشغلات.

أول شغلة هي التهاب البُلعوم القيحي (Exudative pharyngitis)، والشغلة الثانية لازم الحرارة ترتفع، والشغلة الثالثة الطفح المميز اللي يسموه (Bright-red Exanthem). هسة طخت الشغلة عندك؟ ليش سميناه سندروم يعني متلازمة السكارلت فيفر؟ أوكي. زين شنو اللي يسبب هذا المرض؟

س2/ صدك هو مرض فيروسي لو بكتيري؟

ج2/ طبعا هذا المرض هو بكتيري تسببه بكتيريا سبحية واللي يسببه بالذات هو السم اللي تفرزه والمسمى (Streptococcal Pyrogenic Exotoxins (SPEs) وأنواعه A و B و C .

س3/ يعني اللي افتهمته منك انو البكتيريا اللي تسوي هذا المرض هي الستربت (Streptococci) زين يا نوع منهن؟

ج3/ حلو ... نوعهه هو المجموعة أ بيتا هيموليتيك ستربتوكوكس (Group A Beta-Hemolytic Streptococci) واللي اختصارهه (GABHS) وبعد شوية راح أفهمك شنو هذا.

س4/ وين موجودة هاي البكتيريا؟

ج4/ موجودة بالأنف ، الفم والحلك والأذنين وحتى الجلد وهذا الأخير راح نعرف حالات تصير بسببه. لذلك نتوقع تصير هاي الفيفر بعد حالات التهاب الجروح اللي سببها هذا النوع من البكتيريا واللي يسموهه بـ (Streptococcal wound infections) أو حتى الحروق ، وكذلك التهاب المسالك التنفسية العليا (Upper Respiratory Tract Infections) .

س5/ يعني البؤرة الرئيسية اللي ينتشر منها المرض وين بالضبط؟

ج5/ البؤرة الرئيسية هي اللوزتين والبلعوم مثل متشوف بالصورة.

زوروا صفحتي الشخصية على الفيسبوك
HTTPS://WWW.FACEBOOK.COM/ALIATTAEE67

وصفحة المدونة (حواريات الطب) على الفيس بوك
HTTPS://WWW.FACEBOOK.COM/GROUPS/229327564170288/

وصفحة عيادتي الخاصة(عيادة الدكتور علي الطائي الطبية) على الفيس بوك 
HTTPS://WWW.FACEBOOK.COM/ATTAEECLINIC/?RC=P

ومجموعة (محاضرات طبية واختبارات للأطباء وطلاب الطب)على الفيس بوك 
HTTPS://WWW.FACEBOOK.COM/GROUPS/1690499711279264/

وصفحتي على تويتر 

https://twitter.com/Ali1Attaee

وصفحتي على اليوتيوب

HTTPS://WWW.YOUTUBE.COM/USER/ALIENT67/VIDEOS

اقرأ كذلك في المدونة :

تحميل حوارية (السكر التراكمي HbA1C ) باللهجة العامية العراقية بصيغة PDF لكل طلاب الطب والاطباء

حوارية الأدوية المضادة للغدة الدرقية (باللهجة العراقية الدارجة ... تفوتكم )

تنزيل 

حوارية السكر التراكمي (Hb A1C) (باللهجة العامية العراقية)

                                                                                                                        

                                                                                                                      بقلم : د. علي الطائي

أخصائي أمراض الأسرة 2017

اليوم راح نحجي عن موضوع مهم جدا يهم جميع الناس وبالذات مرضى السكري من النوعين الأول والثاني . يعني شنو النوع الأول والنوع الثاني بله؟

أكو نوعين من داء السكري ، النوع الأول : أو اللي كانوا يسموه النوع المعتمد على الانسولين لكن اليوم كاموا يسموه النوع الأول (بعدين نشرح ليش) ، وهذا علاجه الانسولين حصرا . والنوع الثاني اللي هو غير معتمد على الانسولين كما كان يعرف سابقا علاجه حبوب مخفضة للسكر مثل الداؤونيل و كلوكوفيج وغيرها ، ولا تدخلونه بموضوع طويل وعريض لأن يرادنه ساعات وليالي حتى نكمل موضوع السكري . خلينة نرجع للحوارية عيوني وخليكم وياية وفتحوا أذهانكم زين لأن هذا الموضوع صدك عاجبني.

س1/ شنو معنى السكر التراكمي وشنو بالإنكليزي؟

ج1/ بالإنكليزي يسموه (Hb A1c) (glycated haemoglobin) ، يعني شنو ؟ آني أكلك :

انت سامع بالهيموغلوبين اللي هو البروتين الموجود بداخل الكريات الحمراء في الدم ، مو صحيح؟ اللي وظيفته نقل الأوكسجين من الرئتين الى كل خلايا جسم الانسان. زين شنو علاقة هذا بالموضوع؟

العلاقة هي أن هذا الهيموغلوبين يتحد بسكر الجلوكوز اللي موجود بالدم عندما تزيد نسبته، وهو هذا اللي سميناه (glycated haemoglobin) . ومن يدزك الطبيب على هذا الفحص ، معناها يريد يشوف هل انه السكر عندك مأثر بيك لو لا ؟ وهل أنت عندك سكر ومتدري لو لا.

س2/ والله صارت رطينة عندي ، شلون راح يعرف ، خو نسوي فحص السكر بالدم ونفض المشكلة؟

ج2/ لا ، مو هيج الحجي ... فحص نسبة السكر التراكمي ينبئنه بشكد انت مسيطر لو ما مسيطر على نسبة السكر للأسابيع العديدة او الأشهر القليلة الماضية(حوالي ثلاثة اشهر سابقة) ، مو اليوم والبارحة بس ، خو الطبيب يعرف يدزك على فحص السكر العادي ويفض المشكلة . وهم أكول شلون يعرف ؟

س3/ صدك شلون يعرف ؟ فسر لي ؟

ج3/ ماشي، انت تعرف شكد تعيش كريات الدم الحمر بالدم؟ أكيد ماخذهه بالمتوسطة. الكريات الحمر تعيش من 8-12 اسبوع يعني انته والثلاثة اشهر وقسم يكولون اربعة اشهر وبعدهه تتحلل  وهذا يعني اذا كان السكر بالدم زايد ومعلك كل هاي الفترة ودائما فوق المعدل الطبيعي معناهه الفحص راح يطلع عالي لأنه الهيموغلوبين المحمل بالسكر موجود بداخل هاي الكريات ولكل هذه الفترة (بعمر الكريات الحمراء).. هسة صارت الفكرة واضحة؟

س4/ رحم الله والديك ... على هذا التوضيح ... تقريبا طخت عندي.. يعني نكدر نعتبر هذا الفحص مثل الكيج طويل الأمد للسيطرة على نسبة السكر في الدم؟

ج4/ بالضبط هو فعلا كيج ، اذا كانت مستويات السكر عالية للأسابيع القليلة الماضية أو ثلاثة أشهر سابقة ، فنتوقع قراءة السكر التراكمي حتكون عالية ايضا.

س5/ زين شكد النسبة الطبيعية لهذا السكر عند مرضى السكري وعند الناس العاديين؟

ج/ النسبة الطبيعية مهم أن نعرف أنها تختلف على ثلاثة اشكال ، كلي شنو هيه؟

الحالة الأولى اذا قسناهه وطلعت النسبة أقل من 6% (أو أقل من 42 ملي مول / مول) هذا يعني أن الشخص طبيعي وغير مصاب بالسكري .

الحالة الثانية تكون النسبة من 6% الى 6,4% هنا راح يصير شك بالموضوع يعني ممكن أن يكون الشخص يعاني من بدايات الاصابة أي ما تسمى (قبيل السكر ) أو (Prediabetes     ) وهنا لازم يدير باله زين خاف بعدين يطيح بيهه.

الحالة الثالثة هي أن تكون النسبة اكثر من 6,5% وهنا الشخص مصاب بالسكري قطعا.

س6/ زين بروح أبوك هذا الفحص جديد مكتشفيه لو قديم أشو مكنا نسمع بيه .. احجيلي شوية عن اكتشافه ومنو اكتشفه يرحم والديك لأن آني أحب التاريخ.

ج6/ تدلل ... أول من فصل هذا النوع عن الأنواع الأخرى من الهيموغلوبين هو (هوسمان و مايرنك) عام 1958 وأول من صنفه كـ كلايكوبروتين هو (بوكين وكالوب) عام 1968. أول من وصف زيادته عند مرضى السكري هو (صاموئيل راهبار وزملاؤه) عام 1969. أما أول استعمال لهذا الفحص لمراقبة ومعرفة مدى السيطرة على مستويات السكر عند مرضى السكري فكان على يد (أنتوني سيرامي) عام 1976. يعني الشغلة قديمة حيل. ودائما توصلنه الشغلات البيهه خير متأخرة.

س7/ زين كلي هذا الهيموكلوبين المليان كلوكوز ممكن يرجع طبيعي بعد ما نسيطر على نسبة السكر بالعلاج و شكد يرادله فترة يلله يرجع؟

ج7/ هذا خوش سؤال.. بس خلي أحجيلك شغلة.... هذا الهيموكلوبين من اتحد بالكلوكوز بسبب سوء السيطرة على نسبة السكر بالدم مو بسهولة يتخلص من هذا السكر اللي لزك بيه يعني مثل ما كلنه يراد تنتهي فترة حياة هاي الوجبة من الكريات الحمر (يعني 120 يوم تقريبا) وتستبدل بغيرهه جديدة وبنفس الوقت لازم نسيطر على مستوى السكر في الدم بشكل صارم حتى نتوقع نزول نسبة السكر التراكمي. يعني بنفس الوقت قياس نسبة هذا الهيموكلوبين يفيدنه حتى نعرف احنه شكد برنامج علاجنا للسكر ناجح لو لا .

س8/ شكد لازم ننتظر مع العلاج الجيد حتى نحصل على نسب مقبولة من السكر التراكمي(A1c) ؟

ج8/ خوش سؤال. الدراسات العملية والخبرة المتراكمة تكول نحتاج الى 20 يوم تقريبا من العلاج الجيد والسيطرة الناجحة على نسبة السكر حتى نحصل على نسب متناقصة من (HbA1c). يعني اذا اجاك مريض عنده سكر ومخربط ودائما صاعد صاعد راح تبدي وياه برنامج جديد وصارم من العلاج سواء الانسولين (بالنسبة للنوع الأول من مرض السكري) أو حبوب السكري (بالنسبة للنوع الثاني) وننتظر 20 يوم ونكوله للمريض راح نعيد الفحص بعد هاي الـ 20 يوم راح نتوقع نزول النسبة.

س9/ حجي ذهب .... زين خلي نروح لتفسير النتائج اللي نحصل عليهه من ندز المريض على التحليل؟ شكد القراءة المطلوبة واللي نكدر نطمئن المريض من تطلعنه؟

ج9/ طبعا القراءات اللي ممكن نتوقعهه تعتمد على الطريقة المستخدمة في التحليل ؟

س10/ يعني هم أكو طرق مو طريقة وحدة؟

ج10/ أكيد ؟

س11/ يا طريقة معتمدة ونسويهه بسهولة؟

ج11/ أكو أنواع وهي:

1.       High-performance liquid chromatography (HPLC): The HbA1c result is calculated as a ratio to total hemoglobin by using a chromatogram.

2.       Immunoassay

3.       Enzymatic

4.       Capillary electrophoresis

5.       Boronate affinity chromatography

بس أهم الأنواع هي الاميونوأسي (immunoassay ) والبورونيت (الخامسة بالتسلسل).

س12/ زين شلون راح نفسر النتائج؟ يعني كل الناس نفسرلهم النتيجة بنفس المقاييس لو أكو اختلاف؟

ج12/ أكيد تعتمد التفسيرات مال النتائج على عدة عوامل منها الطريقة المستخدمة بالفحص ، وعمر المريض، والاختلافات البيولوجية بين الاشخاص.

س13/ شويه وضحلي أكثر؟

ج13/ أوك . مثلا: عدنه شخصين قياس سكرهم متساوي تقريبا، ممكن أن نلكه السكر التراكمي مالتهم مختلف بنسبة حوالي 3% ، وهاي دراسة تكول هذا الحجي وتحتاج الى بحث عميق.

س14/ زين اكو حالات أخرى أو أمراض ممكن تنطينه نتائج مخربطة ومنعتمد عليهه؟

ج14/ طبعا أكو حالات تعطينه نتائج منكدر نعتمد عليهه ونعول عليهه مثل : بعد نزف الدم أو فقدان الدم (blood loss)، بعد اجراء عملية جراحية، نقل الدم (blood transfusions) ، فقر الدم (anemia) ، أمراض الكبد أو الكلية المزمنة، أو بعد أخذ جرعة عالية من فيتامين سي ، أو العلاج بــ (الارثروبويتين )( erythropoetin).

س15/ زين أكو فد شي يسمونه المدى المرجعي أو الرفرنس رينج (reference range) مو صحيح؟

ج15/ صحيح . يعني هسة تريد مني هذا الرفرنس رينج مال السكر التراكمي بالاشخاص الاصحاء وبالمرضى ، هذا اللي افتهمته من سؤالك؟

س16/ اي والله ... حتى أكدر اعتمد عليه بالتشخيص ظ

ج16/ ماشي. بشكل عام الرفرنس رينج (يعني المدى المرجعي الطبيعي يعني كل القراءات اللي واقعة ما بين هذين الرقمين هي طبيعية بالاضافة الى الرقمين الحد الاعلى والحد الادنى)  بالنسبة للسكر التراكمي عند الشباب الاصحاء ينحصر ما بين 30-33 ملي مول / مول يعني 4.9-5.2 % .

أما المتوسط عند الأشخاص المصابين بداء السكري من النوع الأول (Type 1 DM) هو 63 ملي مول / مول يعني 7.9 % و للأشخاص المصابين بداء السكري من النوع الثاني(Type 2 DM) هو 61 ملي مول /مول يعني 7.7 %.

س17/ الله يرحم والديك... بس هاي الأرقام شلون خاف انساهه ؟

ج17/ حتى لو تنساهه راح تلكاهه مكتوبة بورقة المختبر اللي سويت عنده التحليل.

س18/ زين كلي يعني الاشخاص المصابين بالسكري من كلا النوعين يبقه عدهم السكر التراكمي مرتفع دائما ويمته نعتبرهم مسيطرين على مستويات السكر بدمهم؟

ج18/ لا . احنة لازم نعرف انه اذا بقة مستوى السكر بالدم عالي ولفترات طويلة عند المصابين بداء السكري فمعناه ان السكر التراكمي راح نتوقعه عالي ايضا. وهنا لازم نخلي مدى الهدف (target range) لهذا السكر ضمن الطبيعي وهو هذا اللي نتوقعه عند الاشخاص اللي يتابعون علاج السكر عدهم بشكل جيد.

س19/ زين أكو دراسات تكول انه القراءات مال السكر التراكمي الهه علاقة بحدوث مضاعفات السكري؟

ج19/ نعم. أكو دراسات ضخمة في أميركا وفي الغرب وجدت أن تخفيض ما نسبته 1 ملي مول / مول من السكر التراكمي ينفع في تخفيض نسبة هاي المضاعفات حوالي 3% . وهاي نسبة جيدة جدا. وخلي ببالك انه ماكو داعي ننزل بالقراءات أقل من الحد المقرر والأدنى يعني بالتقيد الأكثر من المطلوب من قبل المرضى وما راح يفيدنه بشي بل بالعكس ربما تضر المريض مثل مخاطر هبوط نسبة السكر بسبب الريجيم القوي. يعني لا افراط ولا تفريط مثل ميكولون.

س20/ زين ممكن نلكه أشخاص أو مرضى يطلع عدهم السكر التراكمي أقل من الطبيعي؟

ج20/ والله أسئلتك حلوة ودائما تذكرني بشغلات حلوة. هسة راح أجاوبك ... احنة حجينه فوك اذا ما نسيت ان الكريات الحمراء تعيش تقريبا ثلاثة اشهر مو صحيح؟ ونتوقع اذا كان السكر عالي خلال هاي الفترة فمعناهه انو السكر التراكمي يطلع عالي خلال هاي الفترة . اذن هناك بعض الحالات اللي يقل بيهه عمر الكريات الحمر نتوقع قراءات السكر التراكمي (Hb A1C) اقل من المتوقع مثل G6PDD  (glucose-6-phosphate dehydrogenase deficiency)(يعني نقصان انزيم موجود بالكريات الحمر في حالة تسمى حساسية الباقلاء فتتحلل هاي الكريات وتتكسر قبل ميحانهه يعني عمرهه يقصر) وحالة فقر الدم المنجلي (sickle-cell disease) أو أي حالة تموت بيهه الكريات الحمر من وكت. وبعد أكو حالة وهي التبرع بالدم وهنا راح يقوم الجسم بتكوين كريات حمر جديدة وشباب بدل اللي تبرع بيهن الشخص وهذا يعني ان هذه الكريات بعدهه نظيفة وما بيهه سكر تراكمي فيطلع النتائج اقل من المتوقع. والعكس ممكن أن يحدث ، يعني اذا طال عمر الكريات مثل حالات نقصان فيتامين ب12 أو الفولات (FOLATE ).

س21/ زين هسة شتكول ليش ما أعتمد على السكر التراكمي بتشخيص السكر وماكو داعي أن أقيس نسبة السكر واني صائم مثلا؟

ج21/ لا منكدر . قياس نسبة السكر مهمة حتى ننطي العلاج على اساسه بس السكر التراكمي منكدر نعتمد عليه لأنه مثل ما عرفنه هذا تراكمي يعني مو مال اليوم أو قبل ساعة أو ساعتين وميتأثر بصعود ونزول السكر بالدم بسرعة. هسة صارت الفكرة واضحة؟

س22/ زين كل شكد لازم نسوي هذا الفحص بالسنة؟

ج22/ لازم نسويه مرتين بالسنة للأشخاص اللي مسيطرين على نسبة السكر عدهم وأربع مرات للأشخاص اللي عدهم السكر ما مستقر أو هم غير ملتزمين بالعلاج والتوصيات.

زوروا صفحتي الشخصية على الفيسبوك
HTTPS://WWW.FACEBOOK.COM/ALIATTAEE67

وصفحة المدونة (حواريات الطب) على الفيس بوك
HTTPS://WWW.FACEBOOK.COM/GROUPS/229327564170288/

وصفحة عيادتي الخاصة(عيادة الدكتور علي الطائي الطبية) على الفيس بوك 
HTTPS://WWW.FACEBOOK.COM/ATTAEECLINIC/?RC=P

ومجموعة (محاضرات طبية واختبارات للأطباء وطلاب الطب)على الفيس بوك 
HTTPS://WWW.FACEBOOK.COM/GROUPS/1690499711279264/

وصفحتي على اليوتيوب

https://www.youtube.com/user/alient67/videos

هل انت مصاب بمشاكل في القلب ؟ كيف تتأكد من ذلك؟

الكثير منا يظن أن بعض الاعراض البسيطة من ألم في الصدر

أو التعب البسيط أو عدم القدرة على الاتصال الجنسي هي دليل

على احتمال اصابته بمرض في القلب خطير.هذا ليس كلاما

صحيحا في كل الأحوال.

كيف تعرف وتتأكد أنك ربما مصاب بمرض في القلب؟

وماهي الخطوات العلمية الصحيحة التي يجب أن تبادر الى

اتخاذها في حال وجود شك ؟

أقول:

هناك أعراض آتية ربما في حال وجودها تدل على شيء في القلب

وهي:

1- الوهن والتعب عند المشي وصعود السلالم أو القيام بمجهود

عضلي كالعمل في المزرعة أو صعود النخلة وغيرها.

2- ضيق النفس أثناء العمل أوعند النوم.

3- الاحساس بألم أو ضغط في الصدر أو في الكتف الأيسر أو الظهر.

4- ألم في الصدر بعد الوجبات .

5- تورم القدمين وخاصة عند الكاحلين.

6- اضطرابات نبض القلب وخفقان.

7- ازرقاق في الشفتين.

في حالة وجود واحد أو أكثر من هذه الأعراض ، يفضل اجراء

الفحوصات والاختبارات اللازمة للتأكد من سلامة القلب.

ومن الاختبارات التي من الممكن اجراؤها هي : الايكو، تخطيط

القلب، اختبارات الجهد، وغيرها.

أتمنى لكم السلامة الدائمة.

للتواصل : ما عليكم الا الاشتراك في المدونة والتعليق أو طرح السؤال.