حوارية الأدوية المضادة
للثايرويد(Antithyroid Drugs)
اليوم خلونة نحجي
على الأدوية المضادة للثايرويد وهذا موضوع مهم ولازم نعرف عنه فد شي يفيدنة . نبدي
باسم الله :
س1/ ماهي أشهر
الأدوية المستخدمة في علاج فرط افراز الغدة الدرقية Hyperthyroidism ؟
ج1/ مو تدلل ، أكو اثنين من الأدوية المهمة
والموجودة بالسوك وهي مثيمازول (methimazole)
في الولايات المتحدة أو كاربيمازول (carbimazol )
في بريطانيا اللي هو نيومركازول (neomercazole)
أبو ال 5 ملغم والثاني هو بروبيل ثايويوراسيل (propylthiouracil) (PTU ).
وهاية صورهم :
س2/ شكد صار هذي
الأدوية تستخدم لعلاج الغدة؟
ج2/ من اربعينيات
القرن الماضي ولهسة نستخدمهن ؟
س3/ ممكن نستخدمهن
لفترات طويلة والمن نستخدمهن يعني ليا فئة عمرية؟
ج3/ اكيد يمكن
استخدامهن لفترات طويلة وممكن نستخدمهن للأطفال والمراهقين والنساء الحوامل (بعدين
التفاصيل). بس دير بالك هذني يعبرن عن طريق الحليب وعن طريق المشيمة.
وللبالغين
والنسوان الغير حوامل ممكن نستخدمهن قبل لا ننطي ريديواكتف ايودين (radioactive iodine)
.
س4/ شنو ميكانزم
عملهن؟
ج4/ يكولون يمنعن
تكوين واتحاد الـ أيودوتايروسين (iodotyrosines)
بالثايروكلوبيولين
(thyroglobulin)
، لأن هاي الخطوة مهمة وضرورية لتكوين هورمون الدرقية فالنتيجة راح يتناقص انتاج
الهورمون تدريجيا بس تاخذ فترة مو قليلة ( يعني من اسبوعين الى 8 أسابيع) يعني انت
والشهرين (هاي خليها ببالك) .
س5/ زين ثنيناتهن
نفس الميكانزم؟
ج5/ لا ،
الثايويوراسيل اله مفعول مهم وهو انه يمنع تحول الثايروكسين يعني الـ(T4) الى (T3) تراي ايودوثايرونين (triiodothyronine) اللي هو أكثر فعالية بيولوجية
من الأول (T4)
وهذا معناه أن الأعراض سوف تقل بسرعة واضحة (هاي تذكرهه زين).
س6/ زين كل شكد
لازم نسوي تايتريشن(titration)
وتنظيم للجرعة لو ميحتاج ؟
ج6/ الجرعة لازم
تتنظم بعد مرور 4 أسابيع أو كل 4 أسابيع الى ان ترجع الافرازات الى الطبيعي. وبعض
المرضى المصابين بمرض كريفز (Graves'
disease ) يتحولون الى حالة الـ رمشن (remission ) بعد مرور 12- 18 شهر من
العلاج وبعد ما يصير هذا الرمشن ممكن نوقف العلاج. لكن الشي الموحلو هنا انه نصف
هذولة المرضى يرجع يصير عدهم ريكرنس (recurrence)
في السنة الوراهة مباشرة !!
س7/ زين كلي كل
المرضى اللي عدهم هايبرثايرويدزم يصير عدهم رمشن ؟
ج7/ لا ، بحالات
ال Nodular forms of hyperthyroidism (ie,
toxic multinodular goiter and toxic adenoma) ذولة ميصير عدهم رمشن.
س8/ ياهو الأفضل
من ذولة الادوية وليش؟
ج8/ مثيمازول أفضل
، كلي ليش؟
المثيمازول( Methimazole ) أقوى من
الثايويوراسيل ومفعوله أطول همينة وبعد شغلة مهمة وهي أنه الأول نكدر ناخذه مرة
وحدة باليوم مو مثل الثاني اللي لازم ناخذة مرتين أو تلث مرات باليوم وهذا فد شي
مزعج للمريض.
س9/ زين تكدر
المرأة الحامل تاخذه ؟
ج9/ بس هنا الشغلة
مو خوش وخاصة في الترايمستر الأول يعني
الثلاثة اشهر الأولى من الحمل لأن اكو دراسات تكول ممكن يسوي حالة يسمونهه تشوهات
بفروة الرأس أو بمؤخرة الجنين (cloacal and
scalp (cutis aplasia)) .
س10/ زين وبهل
الحالة شراح تسوي المرأة اذا رادت طفل يعني تريد تصير حامل ، تبطل العلاج وهي
تحتاجة للغدة؟
ج10/ لا الحل بسيط
اذا رادت المرة طفل فلازم توقف المثيمازول وتتحول الى البروبيل ثايويوراسيل قبل
الحمل ما يصير وتكمل أول ترايمستر يعني أول 12 اسبوع عليه وبعدين ممكن ترجع
للمثيمازول ولازم تراقب الوضع زين ، وفضت
وخلصت؟
س11/ زين انت كلت
انو النيومركازول بطيء المفعول يعني ياخذ وقت حتى يبين تأثيره ، لكن عدنه حالات
خطيرة وربما تهدد الحياة مثل عاصفة الثايرويد (thyroid storm) بهل الحالة شراح نسوي؟
ج11/ بسيطة هاي ،
نرجع ناخذ الثايويوراسيل، ليش ؟ مثل ما كلنه هذا العلاج مفعوله سريع واله القدرة
على منع تحول ال(T4 )
الى (T3 )
وهذا المفعول ممتاز ونحتاجه في مثل هاي الحالات فننطي الثايو كل ستة الى ثمن ساعات
.
س12/ زين هو شنو
الفرق ما بين الـ (T4 )
والـ ( T3)
وشنو فائدة منع هذا التحول؟
ج12/ هذا الشي مهم
هسة اكلك ، الـ(T3 )
أكثر فعالية من ال(T4 )
بمقدار 20 -100 مرة ... ها ؟ هسة بينت الشغلة مو ؟ أشو صافن ليش؟ الصفنة مو الك؟
هذا معناه تقليل الأعراض بشكل سريع مما لو استخدمنا المثيمازول . لكن هم نرجع على
هذا الاخير بعد ما نسيطر على الأعراض الشديدة ونرجع مستوى الهورمونات الى الطبيعي.
س13/ فهمت من هذا
الحجي انه الثايويوراسيل هو لاعب احتياط!! صح لو لا ؟
ج13/ بالضبط .
ماعدا بحالة وحدة واللي هي عاصفة الثايرويد(Thyroid storm) فيعتبر هو المهاجم الاول وما عدا
هذا يعتبر الخط الثاني في حالات ارتفاع افراز الغدة أو في حالة وجود فرط حساسية
للمثيمازول أو في الترايمستر الاول في الحمل مثل ما قلنا قبل قليل أو مرحلة
التخطيط للحمل.
س14/ احجينه عن
المضاعفات اللي تسببهه هاي الأدوية؟ شنو أكثر المضاعفات الجانبية ؟
ج14/ والله أكثر المضاعفات
الجانبية شيوعا هي تفاعلات الحساسية يعني ممكن يصير عد المريض حرارة، طفح،
ارتكاريا، آلام المفاصل، واللي تصير بنسبة حوالي 1-5 % من المرضى، غالبا تحدث في
الاسابيع الأولى من بدء العلاج.
لكن أخطر مضاعفات
ممكن أن تصير هي اكرانيولوسايتوسس (agranulocytosis)
والأبلاستك أنيميا (aplastic anemia)
والتهاب الكبد والتهاب المفاصل المتعدد(polyarthritis)،
و الحالة المسماة (lupuslike vasculitis).
كل هاي المضاعفات ما عدا اكرانيولوسايتوسس تصير بسبب الثايويوراسيل .
س15/ زين شكد نسبة
حدوثها؟
ج15/ 0.2-0.5 % من
المرضى ككل والنسبة متساوية لكل من الدوائين.
س16/ شلون نعرف
انه المريض صار عنده agranulocytosis ؟
ج16/ المريض يصير
عنده حرارة والتهاب البلعوم لكن ممكن يرجع طبيعي بعد توقف العلاج وعادة يرجع العدد
الطبيعي للكريات الحبيبية (granulocytes)
بعد توقف العلاج ب 10- 14 يوم .
س17/ هل هذا الأمر
معترف به من قبل أف دي اي (FDA)
منظمة الغذاء والدواء الامريكية؟
ج17/ أكيد هو احنة
شعدنه غير هاي المؤسسة اللي تزكينه الأدوية من خلال الأبحاث والنتائج . عام 2010
انطت عدة تحذيرات من استخدام الثايو وكالوا انه يسبب تدمير للكبد وعجز حاد في
الكبد وقد يكون مميت. بينما 5 حالات فقط شافوهه تصير ويه النيومركازول 3 منهم
ماتوا.
س18/ زين انته هسة
خوفتني يعني شلون اكدر انطيهه بعد هذا الحجي المخيف؟
ج18/ أكيد هاي
المؤسسة وضعت بعض التوصيات اللي ممكن تطلع عليهه على موقعهم واللي هي كالآتي:
1-
أول شي مهم لازم
تسويه هو مراقبة اعراض وعلامات اصابة الكبد وخاصة أثناء ال 6 اشهر الأولى من بدء
العلاج. يعني نسوي وظائف الكبد .
2-
في حالة ظهور
علامات للإصابة في الكبد لازم نوقف الثايو فورا واعط العلاجات الساندة والنصائح.
3-
علم المريض أنه
اذا صار عندك هاي الأعراض لازم تراجع طبيبك بسرعة: النحول ، الضعف ، الم في البطن،
فقدان الشهية، حكة، تكدم سريع( يعني يصير نزف تحت الجلد بأبسط سبب EASY BRUISING)،
اصفرار العينين والجلد.
س19/ جزاك الله الف خير ... زين اكو غير هذني الأدوية ؟
ج19/ نعم أكيد ومنها : في حالات الكريفز (Graves) أو الحالات الشديدة من فرط افرازات الغدة (severe thyrotoxicosis) أو التهاب الغدة شبه الحاد (subacute thyroiditis)
يمكن استخدام اليود أو نظائر اليود (iodinated
contrast agents) حتى نمنع تحول ال(T4) الى (T3) . بس دير بالك هذا العلاج ضمه للحالات الشديدة حيل من فرط الغدة لان
استخدامه راح يمنعك من استخدام العلاج النوعي لمرض كريفز واللي هو ريديوأكتف
ايودين (radioactive iodine)
لعدة أسابيع.
س20/ أكو بعد أدوية؟
ج20/ أكيد. أكو قطرات تسمى محلول مشبع من يوديد البوتاسيوم (saturated solution of potassium iodide (SSKI))
ننطي 10 قطرات مرتين باليوم وهذا ممكن يقلل بشكل سريع تحول ال(T4) الى (T3) .
ليست هناك تعليقات:
إرسال تعليق